Галоўны прыз Берлінале атрымала драма пра турэцкую пару «Жоўтыя лісты»
Сталі вядомыя пераможцы Берлінскага кінафестывалю.
«Залатога мядзведзя» — галоўную ўзнагароду — атрымаў нямецкі рэжысёр турэцкага паходжання Ількер Чатак. У драме «Жоўтыя лісты» аўтар распавядае гісторыю турэцкай пары з тэатральнага свету ў Анкары. Праз сваю палітычную пазіцыю мастакі губляюць працу і апынаюцца ў галечы — іх спрабуюць прымусіць замаўчаць, паведамляе Bild.
Фільм вельмі ясна гаворыць «на палітычнай мове таталітарызму» і выклікае палохаючае прадчуванне магчымай палітычнай будучыні і ў іншых краінах, сказаў старшыня журы Вім Вендэрс на цырымоніі ўручэння ўзнагарод.
«Срэбнага мядзведзя» за найлепшую акцёрскую працу ўдастоілася актрыса Сандра Хюлер — яна сыграла галоўную ролю ў гістарычнай драме «Роза»: ролю жанчыны, якая ў XVII стагоддзі выдае сябе за мужчыну ў аддаленай нямецкай вёсцы.
Вялікі прыз журы атрымала трагедыя «Куртулуш» турэцкага рэжысёра Эміна Алпера. Фільм стылістычна нагадвае вестэрн і распавядае пра забойчую варожасць дзвюх сельскіх суполак.
Адразу дзве ўзнагароды атрымаў фільм пра дэменцыю «Каралева ля мора» амерыканскага рэжысёра Лэнса Хамера — прыз журы і «Срэбнага мядзведзя» за найлепшую акцёрскую працу другога плана.
Прыз за найлепшую рэжысуру атрымаў брытанец Грант Джы — аўтар фільма пра джазавага музыканта «Усе ў захапленні ад Біла Эванса».
Канадка Жэнеўеў Дулюд-дэ-Сель атрымала «Срэбнага мядзведзя» за найлепшы сцэнарый — з фільмам «Ніна Роза».
-
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
-
«Спачатку жанчыны»: у гэтым фільме жанчыны кіруюць светам, а мужчыны вучацца быць спакуслівымі, каб зрабіць кар’еру
-
«Мінатаўр» Андрэя Звягінцава — антываенная драма, якую стоячы віталі ў Канах
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч11
Каментары