Цьвярскі суд Масквы прысудзіў беларусаў да 14-гадовага зьняволеньня з адбываньнем пакараньня ў калёніі строгага рэжыму за ўвоз у Расею таблетак ад кашлю.
 |
Цьвярскі суд Масквы прысудзіў беларусаў да 14-гадовага зьняволеньня за ўвоз у Расею тысячы таблетак ад кашлю.
Двум грамадзянам Беларусі Аляксандру Чачураву й Сяргею Лагуну інкрымінуецца кантрабанда і незаконны продаж псыхатропных рэчываў. Яны былі затрыманыя й узятыя пад варту супрацоўнікамі ўправы фэдэральнай службы па кантролі за незаконным абарачэньнем наркотыкаў па цэнтральнай акрузе Масквы 7 сакавіка.
«Супрацоўнік ФСКН адрэкамэндаваўся аптэкарам і праз інтэрнэт замовіў партыю польскіх лекаў тусал. Чачураў і Лагун прывезьлі 1000 таблетак у Маскву і былі затрыманыя», — патлумачыў адвакат аднаго з падсудных Яўген Чарнавусаў.
Ён сьцьвярджае, што калі б і былі дапушчаныя парушэньні з боку грамадзян Беларусі, то яны не падпадаюць пад артыкул адміністрацыйнага кодэксу.
«Яны везьлі таблеткі не прадаваць наркаманам, а ў аптэку. Гэта максымум парушэньне фармацэўтычнай дзейнасьці, што цягне адміністрацыйнае пакараньне» — заявіў Чарнавусаў.
Тусал ня ўключаны ў пералік зарэгістраваных у Расеі прэпаратаў. Гэтыя таблеткі ўтрымліваюць псыхатропнае рэчыва дэкстрамэтарфан гідрабамід у малых дозах.
«У 1 тысячы таблетак утрымліваецца 15,4 міліграма псыхатропнага рэчыва, і за гэта просяць 14 гадоў» — сказаў абаронца й дадаў, што Эўрапейская канвэнцыя ад 1971 году дапускае ўтрыманьне псыхатропных рэчываў у леках у малых дозах.
Паводле слоў Чарнавусава, у анатацыі да лекавага прэпарату пазначана, што яго могуць ужываць нават маленькія дзеці.
Адвакаты асуджаных найбліжэйшым часам маюць намер падаць скаргу на абвінаваўчы прысуд, а таксама зьвярнуцца ў Эўрапейскі суд па правах чалавека ў Страсбургу.
-
Ва Украіне раскрытыкавалі прэзідэнта МАК за сустрэчу з Ксеніяй Санковіч
-
«Найгоршы сцэнар для Расіі». Саудаўскі прынц адмовіўся ехаць да Пуціна на саміт БРІКС і прыгразіў абваліць нафту да $50
-
Француза асудзілі ў Расіі да 3 гадоў калоніі. Калісьці ён даваў інтэрв'ю «Нашай Ніве» і сустракаўся з Васкрасенскім
«Зашмат у вас дзяцей». Як жыве сям'я з сямю дзецьмі, якой давялося выехаць з Беларусі1
Каментары