Федэральная разведслужба Германіі (BND) пацвердзіла ў панядзелак, што рэжым прэзідэнта Сірыі Башара Асада ужыў хімічную зброю ў прыгарадзе Дамаска 21 жніўня.
Па словах кіраўніка BND Герхарда Шындлера, толькі ўрад Сірыі мае ў распараджэнні атрутнае рэчыва зарын.
Як паведаміў у панядзелак сайт часопіса Der Spiegel, «Шындлер растлумачыў, што Асад ужыў хімічную зброю ў вырашальным баі за сталіцу Сірыі, абложаную паўстанцамі,
і, магчыма, урад пралічыўся і падчас меркаванай хімічнай атакі выкарыстоўвалася больш газу, чым планавалася раней».
«З праслуханай размовы прадстаўніка ліванскай групоўкі «Хезбалах» з пасольствам Ірана (нямецкім спецслужбам) стала вядома, што да хімічнай атакі датычны афіцыйны Дамаск. Па словах прадстаўніка «Хезбалах», «у прэзідэнта Сірыі здалі нервы, і з дапамогаю хімічнай зброі Асад дапусціў вялікую памылку».
У панядзелак Францыя таксама заявіла, што хімічную зброю ў прыгарадзе Дамаска ужыў рэжым Башара Асада.
Каментары