У душанбінскім аэрапорце супрацоўнікамі мытні па падазрэнні ў кантрабандзе наркотыкаў затрыманы сын пасла Таджыкістана ў Рэспубліцы Беларусь.
Адзін з супрацоўнікаў аэрапорта на ўмовах ананімнасці паведаміў «Радыё Азодзі» (Радыё Свабода), што Каімдод Каімдодаў і яго жонка былі затрыманыя раніцай 16 верасня перад вылетам у Маскву. Мытнікі падчас сканіравання багажу знайшлі спецыяльна ўбудаваны тайнік, з якога канфіскавалі 2,5 кг наркотыкаў. Сямейная пара знаходзіцца ў ізалятары Мытнай службы Таджыкістана, сцвярджаецца ў паведамленні «Радыё Азодзі».
Адзначаецца таксама, што Каімдод Каімдодаў, сын пасла Таджыкістана ў Беларусі Казідаўлата Каімдодава, жыве ў Мінску і працуе рэферэнтам Эканамічнага суда СНД. Паведамляецца, што муж і жонка павінны былі вылецець у Мінск транзітам цераз Маскву.
Афіцыйных каментарыяў ад праваахоўных органаў Таджыкістана пакуль не паступала.
Казідаўлат Каімдодаў, былы намеснік спікера таджыкскага парламента і былы намеснік прэм’ер-міністра Таджыкістана, з 2005 года знаходзіцца на дыпламатычнай працы — ён кіраваў дыппрадстаўніцтвам Таджыкістана ў Туркменістане, а з 30 кастрычніка 2009 года з’яўляецца паслом у Беларусі.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары