У сераду, 18 верасня, атмасферныя франты з Заходняй Еўропы прынясуць на большую частку Беларусі дажджы, таксама не выключаны навальніцы. Месцамі па захадзе нашай краіны пройдуць моцныя дажджы. Ноччу і раніцай у асобных раёнах згусціцца туман. Вецер паўднёва-ўсходні ўмераны.
Тэмпература паветра: мінімальная ноччу +7. +14°С, максімальная днём +17. +22°С, у заходніх раёнах краіны +12. +16°С.
У наступныя двое сутак, 19 і 20 верасня, надвор’е ў Беларусі будзе вызначаць маларухомы хвалевы цыклон з цэнтрам над нашай краінай. Часам чакаюцца дажджы, у асобных раёнах краіны — моцныя дажджы. Вецер пераменных напрамкаў ўмераны, месцамі парывісты.
Мінімальная тэмпература паветра ноччу складзе +7. +14°С, максімальная днём не перавысіць +10. +17°С, толькі 19 верасня ў дзённыя гадзіны па паўночным усходзе краіны будзе крыху цяплей — +18. +21°С.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі27
Каментары