Перад 9-й раніцы, 15 кастрычніка, адбыўся збой у мінскім метро.
Так, на станцыі «Кастрычніцкая» спыніліся цягнікі ў абодвух кірунках. Прыкладна ў 8:58 з цягніка, які кіраваўся ў бок «Плошчу Леніна» папрасілі выйсці пасажыраў, і цягнік паехаў пустым, паведамляе карэспандэнт «Нашай Нівы».
Адпаведна на перасталі пускаць пасажыраў на станцыю мінскага метро «Плошча Леніна». Работніцы станцыі раілі часова не купляць жэтонаў (касы метрапалітэна знаходзяцца на выхадзе), скарыстацца наземным транспартам, зазначае іншы карэспандэнт «Нашай Нівы», які таксама быў сведкам інцыдэнту
Твітар Міністэрства па надзвычайных сітуацыях зазначае, што супрацоўнікі МНС на першую лінію метро не выязджалі.
«Наша дапамога там не патрэбная, інфармацыю атрымлівайце ў неіснуючага прэс-сакратара метро», — жартуюць ратавальнікі.
Праз некалькі хвілін, прыкладна ў 09:08, метро аднавіла працу.
Тэлефоны ўпраўлення метро пакуль не адказваюць. Але адна з супрацоўніц метро на станцыі «Кастрычніцкая» паведаміла супрацоўніку «НН», што перасталі ў тунэлі працаваць аўтаматычныя святлафоры.
Апошні інцыдэнт у метро фіксаваўся ў гэту суботу: нехта забыўся на станцыі «Трактарны завод» сумку з рэчамі і на паўтары гадзіны станцыю зачынілі.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары