21-гадовы абаронца «Баварыі» Давід Алаба стаў найлепшым спартсменам Аўстрыі ў 2013 годзе, паведамляе афіцыйны сайт бундэслігі.
У гэтай спрэчцы ён апярэдзіў прадстаўнікоў зімовых відаў спорту, якія традыцыйна становяцца найлепшымі ў краіне.
Другое месца заняў гарналыжнік Марсэль Хіршэр, а трэцяе — скакун на лыжах з трампліна Грэгар Шлірэнцаўэр. У мінулым сезоне 21-гадовы аўстрыец філіпінска-нігерыйскага паходжання дапамог сваёй камандзе перамагчы ў Лізе чэмпіёнаў, чэмпіянаце і Кубку Германіі, а таксама ў Суперкубку УЕФА, паведамляе football.by.
Давід Алаба нарадзіўся 24 чэрвеня 1992 г. Яго маці — філіпінка (працавала медсястрой), бацька - нігерыец, рэпер-дыджэй.
Давід Алаба пачаў кар'еру ў юнацкай камандзе «Аустрыі», у 2008 г. перайшоў у моладзевую каманду «Баварыі», а ў пачатку 2010 г. дэбютаваў за асноўны склад «Баварыі». Дэбютаваў за зборную Аўстрыі ў кастрычніку 2009 г. Правёў за зборную 30 матчаў.
-
Нарвегія адмовілася прымаць міжнародныя турніры па водных відах спорту, пратэстуючы супраць беларусаў і расіян са сцягамі
-
Трэнера зборнай Беларусі могуць прызнаць найлепшым у свеце
-
На чэмпіянаце Еўропы беларускі барэц даў поўху тытулаванаму турку за яго нахабства. Гэта ледзь не каштавала нашаму медаля
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары