Папа блаславіў беларуску, якая падтрымлівала каталіцкі касцёл у савецкія часы
Папа рымскі Францішак перадаў пергамент з блаславеннем жыхарцы Беларусі, якая доўгія гады падтрымлівала працу каталіцкага касцёла ў часы рэлігійных ганенняў у СССР.
Пра гэта паведаміў апостальскі нунцый у Беларусі Клаўдыа Гуджэроці, выступаючы 15 лістапада на II Усебеларускай сустрэчы святароў у мінскай парафіі святых Сымона і Алены (Чырвоны касцёл).
Паводле яго слоў, такое рашэнне пантыфік прыняў падчас аўдыенцыі ў яго 24 чэрвеня, на якую быў запрошаны Гуджэроці. Пасол Ватыкана ў Беларусі паведаміў папе гісторыю жанчыны, якая падтрымлівала працу касцёла і на працягу 10 гадоў расказвала пра каталіцкую веру ў той час, «калі за такое ёй пагражала турма ці дэпартацыя».
Кіраўніку Ватыкана паказалі фатаграфію гэтай жанчыны, і Папа сваёй рукой падпісаў гэты фотаздымак, папрасіўшы Гуджэроці перакласці надпіс на беларускую мову і перадаць здымак жанчыне.
«Ён сказаў, што вышле пергамент з блаславеннем, які будзе напісаны выключна па-беларуску. Мы абавязкова перададзім гэты знак блізкасці папы як прызнанне дабрыні і адданасці беларускага народа. Мы гэта зробім у адпаведны час», — сказаў пасол Ватыкана.
Гуджэроці падкрэсліў, што ўся гэтая гісторыя «трымаецца ў папскім сакрэце», таму імя жанчыны пакуль не называецца.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары