Кантры-спявачка Тэйлар Свіфт выйграла найбольшую колькасць намінацый на прэміі American Music Awards.
Свіфт атрымала чатыры ўзнагароды — як «Артыст года» і «Найлепшая жанчына-выканаўца», а таксама як аўтар «Найлепшага альбома» і «Найлепшага кантры-альбома» — за дыск «Red», выпушчаны ў 2012 годзе.
У дзвюх намінацыях перамог Джасцін Цімберлэйк, якога прызналі «Найлепшым мужчынам-выканаўцам», а яго альбом «The 20/20 Experience» — найлепшым у катэгорыі соўл/R'n'B. Таксама дзве намінацыі («Найлепшая група» і «Найлепшы альбом») выйграла група «One Direction». Узнагарода ў намінацыі «Ікона» была ўручана Рыяне.
У 2012 годзе «Артыстам года» на American Music Awards быў названы Джасцін Бібер.
Каментары