Упраўленнем Следчага камітэта па Мінскай вобласці завершана расследаванне крамінальнай справы, распачатай па факце прычынення цяжкіх цялесных пашкоджанняў малалетняму з прымяненнем пнеўматычнага пісталета. Інцыдэнт адбыўся ў студзені ў Крупскім раёне.
Непаўналетні школьнік 1997 года нараджэння стрэліў з пісталета «ІЖ-53М Baikal» у бок 13-гадовага. Апошні ў выніку страціў правае вока.
Для ўстанаўлення абставінаў здарэння з удзелам экспертаў у галіне судовай медыцыны і балістыкі праведзены праверкі паказанняў на месцы здарэння, дапытаныя асобы, якія валодалі інфармацыяй па гэтым злачынстве, ажыццяўлялася вытворчасць некалькіх складаных даследаванняў, у тым ліку комплекснай судова-медыцынскай і балістычнай экспертыз.
Да матэрыялаў крымінальнай справы далучаныя медыцынскія дакументы аб працяглым лячэнні пацярпелага, заключэнні экспертаў Дзяржаўнага камітэта судовых экспертыз па Мінскай вобласці аб ступені цяжару цялесных пашкоджанняў, а таксама аб тым, што гэты пісталет з'яўляецца пнеўматычным. Высновы экспертаў сталі доказам па справе і пакладзеныя ў аснову абвінавачання.
У ходзе правядзення комплексу следчых дзеянняў устаноўлена, што школьнік свядома дапускаў, што можа нанесці траўму пацярпеламу.
На падставе атрыманых звестак следствам прад'яўлена канчатковае абвінавачванне ва ўчыненні наўмыснага прычынення цяжкага цялеснага пашкоджання ў дачыненні да заведама малалетняга з хуліганскіх меркаванняў (п.п. 1, 7 ч. 2 арт. 147 КК).
У дачыненні да абвінавачванага прыменена мера стрымання ў выглядзе падпіскі аб нявыездзе і належных паводзінах.
Матэрыялы крымінальнай справы перададзеныя ў пракуратуру для накіравання ў суд.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары