Уплывовы амерыканскі сенатар Джон Маккейн, які знаходзіцца ва Украіне, у інтэрв'ю «Украінскай праўдзе» згадаў і Беларусь.
Адказваючы на пытанне, чаму ў Беларусі нічога не атрымалася ў барацьбе за свабоду і дэмакратыю ў адрозненне ад Украіны спадар Маккейн заявіў:
«Лукашэнка з'яўляецца найбольш брутальным і грубым дыктатарам Еўропы, і рана ці позна людзі ў Беларусі вызваляцца ад яго кіраўніцтва.
Украіна — ж вялікае, шматкультурнае, вельмі разнастайнае грамадства, з высокаадукаваным насельніцтвам, сапраўды вялікая краіна.
Я думаю, што Пуціну хацелася б утрымаць Украіну ў расійскай арбіце больш, чым любую іншую краіну свету. Часта кажуць, што з Украінай Расія — гэта заходняя вялікая дзяржава, а без Украіны — гэта ўсходняя дзяржава».
Пра лідараў украінскай апазіцыі Джон Маккейн заявіў:
«Я атрымаў моцнае ўражанне ад іх адданасьці справе, ад іх гатоўнасьці граць лідарскую ролю, іх патрыятызму і прыхільнасці ідэі зрабіць Украіну еўрапейскай нацыяй».
Паводле амерыканскага сенатара вялікі ціск на Украіну робіць кіраўніцтва Расіі:
«Па-першае, сапраўды няма ніякага сумневу, што Пуцін выкарыстоўвае неверагодны ціск на ўрад і народ Украіны. Я не веру, што яму ўдасца прымусіць Украіну далучыцца да яго так званага Мытнага саюза. Але нам трэба аказаць дапамогу Украіне з боку МВФ, каб яна справілася з сур’ёзнымі фінансавымі цяжкасцямі.
ЗША і Расія супрацоўнічаюць ў пытанні хімічнай зброі. Але Расія працягвае пастаўляць зброю Башару Асаду, які працягвае забіваць нявінных дзяцей, жанчын і мужчын у Сірыі. І гэта абуральна. Там дзе мы можам супрацоўнічаць з Расіяй, нам варта супрацоўнічаць. Але гэта ніякім чынам не павінна змяніць нашу падтрымку Украіны і таго, каб Украіна стала еўрапейскай нацыяй.
Я думаю, што сітуацыя ва Украіне вырашыцца на працягу бліжэйшых дзён».
Бондарава захацела двухмоўя, як у Фінляндыі. Мы таксама за2
Каментары