Заведзена крымінальная справа на дырэктара прадпрыемства.
Як паведаміў прадстаўнік упраўлення Следчага камітэта па Мінску Аляксандр Герасімаў, затрымалі дырэктара. Затрыманне адбылося ў межах расследавання справы супраць службовых асобаў аднаго з мінскіх прадпрыемстваў па незаконным вырабе і збыце сродкаў для «негалоснага атрымання інфармацыі» з выкарыстаннем службовых паўнамоцтваў.
«Так, у выніку праверкі, праведзенай пракуратурай Мінска сумесна з упраўленнем па раскрыцці цяжкіх эканамічных злачынстваў ГУУС Мінгарвыканкама і аддзелам па барацьбе з эканамічнымі злачынствамі Партызанскага РУУСа,
выявілася, што дырэктар фабрыкі даў загад набыць спецыяльнае падслухоўваючае і гуказапісвальнае абсталяванне за кошт прадпрыемства і ўсталяваць яго ў службовых памяшканнях,
— заявіў Герасімаў. — Дзеянні дырэктара расцэнены як злоўжыванне службовымі паўнамоцтвамі ў асабістых інтарэсах, з нанясеннем прадпрыемству шкоды ў асабліва буйным памеры (больш за 202 мільёны рублёў)».
Таксама нанесена шкода правам і законным інтарэсам грамадзян шляхам парушэння таямніцы тэлефонных перамоў і іншых спосабаў камунікавання.
Дырэктар фабрыкі затрыманы. Яму пагражае да дзесяці гадоў калоніі з канфіскацыяй маёмасці.
З красавіка 2009 года прадпрыемства ўзначальвае Таццяна Селіх.
З 2007 яна была намеснікам дырэктара па лагістыцы. Сёлета яна стала пераможцай конкурсу «Жанчына года-2012» у намінацыі «За прафесіяналізм».
У 2011 Таццяна Селіх была адзначана прэміяй часопіса «Дело» за падтрымку высокага стандарта сваёй прадукцыі на айчынным і замежным рынках.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары