Паўднёвакарэйскія СМІ абверглі ранейшыя паведамленні пра тое, што цётка паўночнакарэйскага лідара Кім Чэн Ына — Кім Ген Хі — скончыла жыццё самагубствам. Як паведамляе газета «Чунан ільба», Кім Ген Хі жывая, аднак знаходзіцца ў коме пасля перанесенай аперацыі па выдаленні пухліны мозгу.
Аперацыя Кім Ген Хі была праведзена ў 2013 годзе ў адной з клінік Францыі, распавялі выданню прадстаўнікі амерыканскіх спецслужбаў, якія пажадалі застацца неназванымі. Па словах суразмоўцаў выдання, цётка Кім Чэн Ына моцна знясілена, яе вага складае 35 кілаграмаў.
Пры гэтым, заявілі крыніцы газеты, Кім Ген Хі дала «тактычную згоду» на пакаранне смерцю яе мужа Чан Сон Тхэка, які лічыўся «другім чалавекам» у КНДР.
Кім Ген Хі — дачка заснавальніка КНДР Кім Ір Сена і сястра Кім Чэн Іра, які кіраваў Паўночнай Карэй з 1994 па 2011 гады, лічыцца адным з самых уплывовых асоб у краіне. Кім Ген Хі была замужам за Чан Сон Тхэкам, які быў пакараны смерцю 12 снежня 2013 па абвінавачванні ў карупцыі і распусным ладзе жыцця.
За межамі КНДР пакаранне Чан Сон Тхэка палічылі эпізодам барацьбы за ўладу ў вышэйшых эшалонах улады Паўночнай Карэі.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары