Прапаганда расказала, ці звольнілі маёра міліцыі, якога затрымалі на «Гуканні вясны» ў Гомелі
На навіну пра тое, што сярод затрыманых на «Гуканні вясны» ў Гомелі быў старшы ўчастковы інспектар Віктар Шыпкоў, узнагароджаны Лукашэнкам прэміяй «За духоўнае адраджэнне», адрэагаваў неафіцыйны канал гомельскіх сілавікоў, піша «Флагшток».
«Насуперак прагнозам экстрэмісцкіх прапагандыстаў, што рэжым лютуе і рэпрэсуе ўсіх без разбору, «узнагароджваючы» адміністрацыйнымі пратаколамі — участковы інспектар міліцыі нясе службу ў звычайным парадку», — паведаміў канал і выклаў пазітыўнае відэа з Шыпковым, да якога спецыяльна прыязджаў аператар.
У публікацыі няма прамога абвяржэння інфармацыі аб тым, што міліцыянт атрымліваў штраф — сцвярджаецца толькі, што ён па-ранейшаму працуе ў РАУС.
«Творчае хобі і захапленні міліцыянера і яго сям'і, адзначана на самым высокім узроўні, кіраўніцтва ведамства ганарыцца сапраўдным патрыётам і чалавекам з вялікай літары!» — гаворыцца ў паведамленні.
Гэта можа азначаць, што такую пазіцыю занялі непасрэдна ў верхавіне МУС, дзе вырашалі лёс Шыпкова.
Пост завяршае сцверджанне: «Супрацоўнік міліцыі ў любой сітуацыі і пры любых абставінах застаецца супрацоўнікам міліцыі!»
У дачыненні да сітуацыі з правядзеннем «Гукання вясны» фраза выглядае як дзіўны намёк.
Гомельская журналістка Ларыса Шчыракова, былая палітзняволеная, якую прымусова вывезлі адразу пасля вызвалення за мяжу, распавяла «Флагштоку», што яе стаўленне да Шыпкова дваякае. З аднаго боку ён выклікае павагу: за захаванне і папулярызацыю народнай культуры і рэканструкцыю абрадаў, збор этнаграфічных артэфактаў.
З іншага боку — лічыць яго верным слугой сістэмы.
У 2020 годзе менавіта Шыпкоў у складзе групы міліцыянтаў праводзіў неабгрунтаванае затрыманне па палітычных матывах Ларысы Шчыраковай, неправамерна ўтрымліваў яе ў аддзяленні міліцыі на працягу 7 гадзін. Затым Шыпкоў увесь час наведваў журналістку з мэтай «прафілактычных гутарак».
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Ну а пра этнасталічнасць Бабарико, Калесниковой, ...што скажаце?