Штотыдзень карэктарка «Нашай Нівы» запісвае тыповыя памылкі, якія яна выпраўляла ў артыкулах рэпарцёраў і пазаштатных аўтараў. Штосерады гэтую падборку яна рассылае супрацоўнікам.
Такім чынам мы стараемся ўзняць культуру мовы.
Праблема ў тым, што са школы і ўнівера людзі выходзяць з нетрывалымі ведамі беларускай. Да таго ж, дамінацыя расейскай мовы ў гарадскім асяроддзі, на радыё і ТВ блытае людзей. Даводзіцца ўвесь час нагадваць правілы.
Мы падумалі, што гэтыя памылкі могуць быць цікавыя і чытачам, якія вучаць мову ці любяць мову.
Гэта ж тыповыя выпадкі.
Сёння тут сабраныя памылкі за першы тыдзень студзеня.
Форма тлумачэння — мінімалістычная.
шэраг – шараговы (бо не пад націскам э пераходзіць у а);
сталінізму, лібералізму (канчатак роднага склону, адзіночнага ліку у, бо гэта сацыяльна-палітычны тэрмін); але кантынента (геаграфічны аб’ект), косці таза (частка цела), але рáку крыві (захворванне – як і грыпу, бранхіту), але рыбы і рака (калі гаворка пра жывёлу), кумарыну, таксіну (бо рэчывы);
протаіерэй;
навела;
пуловер;
даследАванне, абследАванне;
дзясятак (як і дзявяты – паводле правілаў, уведзеных у 2008 годзе, на іх распаўсюджваецца агульны прынцып пераходу е ў я ў другім складзе перад націскам);
конан-дойлеўскі (прыметнікі, утвораныя ад спалучэння імя і прозвішча: іван-мележаўскі);
Нóўгарад, але наўгарóдскі;
Чэмпіянат свету (з вялікай літары),
Хэмінгуэй.
Чытайце таксама Тыповыя памылкі з «Нашай Нівы» за лістапад
Тыповыя памылкі з «Нашай Нівы» за снежань — 1
Тыповыя памылкі з «Нашай Нівы» за снежань — 2
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай66
Каментары