Штотыдзень карэктарка «Нашай Нівы» запісвае тыповыя памылкі, якія яна выпраўляла ў артыкулах рэпарцёраў і пазаштатных аўтараў. Штосерады гэтую падборку яна рассылае супрацоўнікам.
Такім чынам мы стараемся ўзняць культуру мовы.
Праблема ў тым, што са школы і ўнівера людзі выходзяць з нетрывалымі ведамі беларускай. Да таго ж, дамінацыя расейскай мовы ў гарадскім асяроддзі, на радыё і ТВ блытае людзей. Даводзіцца ўвесь час нагадваць правілы.
Мы падумалі, што гэтыя памылкі могуць быць цікавыя і чытачам, якія вучаць мову ці любяць мову. Гэта ж тыповыя выпадкі.
Сёння тут сабраныя памылкі за апошні па часе тыдзень снежня.
Форма тлумачэння — мінімалістычная.
• Апошняя рэдакцыя беларускага правапісу рэкамендуе пазбягаць суфікса -ірава- ў дзеясловах (і іх формах), дзе гэта не прыводзіць да страты сэнсу: бутыляваная вада (не бутыліраваная);
• пентхаўс;
• пацэліць у яблычак (яблык – м.р.);
• подыум (як і прэзідыум, кансіліум);
• грамадзянская пазіцыя (мая пазіцыя як грамадзяніна),
грамадскае меркаванне (меркаванне грамадства);
• перформанс;
• Арджанікідзэ;
• героі Чэмпіянату свету па хакеі;
• арыенцір;
• вынесе, выведуць (не адбываецца яканне – е ў паслянаціскным складзе);
• дзевяцярых;
• у беларускай мове дзеясловы гуляць і іграць, што адпавядаюць адной форме играть у рускай мове, трэба размяжоўваць: можна іграць ролю, іграць на гітары, іграць на нервах, але гуляць з лялькаю, гуляць у футбол, гуляць вяселле.
Глядзі таксама Тыповыя памылкі з «Нашай Нівы» за лістапад
Тыповыя памылкі з «Нашай Нівы» за снежань — 1
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы48
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары