Пра гэта в.а міністра ўнутраных спраў Арсен Авакаў паведміў у сваім фэйсбуку.
Авакаў, у прыватнасці, напісаў, «усю ноч разам з кіраўніком СБУ Валянцінам Налівайчанкам займаліся ўрэгуляваннем сітуацыі ў Севастопалі і пошукам экс-кіраўніка дзяржавы».
«21-га ў пятніцу Януковіч, у суправаджэнні А.П.Клюева, вылецеў верталётамі з Кіева ў Харкаў, маючы намер прыняць удзел у з'ездзе дэпутатаў Партыі рэгіёнаў у Харкаве.
22-га ў суботу Януковіч, пераначаваўшы ў дзяржрэзідэнцыі ў Харкаве, адмовіўся ад удзелу ў з'ездзе, запісаў відэазварот і верталётамі паляцеў у аэрапорт Данецка.
Па прыбыцці ў аэрапорт Данецка, разам з аховай, з верталётаў перасеў на два прыватныя самалёты тыпу Фалькон. Спрабаваў вылецець. Памежная служба перашкодзіла вылету. Пасля чаго Януковіч адбыў у дзяржрэзідэнцыю ў Данецку, дзе і прабыў некалькі гадзін.
Познім вечарам 22-га, аўтамабілямі, без суправаджэння ДАІ, картэж Януковіча адбыў у Крым.
23 (нядзеля) прыбыў у Крым. Спыніўся ў адным з прыватных санаторыяў, наўмысна ігнаруючы дзяржаўныя спецаб'екты, у тым ліку — спецыялізаваную прэзідэнцкую дзяржаўную дачу, на якую раней меркаваў прыбыць.
Даведаўшыся аб рашэннях парламента па прызначэнні в.а. прэзідэнта Украіны Турчынава, і пра вылет ў Крым зноў прызначаных кіраўнікоў МУС і СБУ, Януковіч хутка выехаў з прыватнага санаторыя ў кірунку да аэрапорта Бельбек, у якім да гэтага часу ўжо знаходзіліся мы з Налівайчанкам.
У 23:50 Януковіч, не даязджаючы да аэрапорта Бельбек, спыніўся ў прыватнай рэзідэнцыі ў раёне Балаклавы.
Сабраў сваю ахову — спытаў, «хто з ім будзе ў суправаджэнні далей», а «хто застанецца тут». Частка супрацоўнікаў выказала жаданне «застацца тут». Януковіч, развітаўшыся з імі — перадаў афіцыйную адмову ад дзяржаўнай аховы (прыкладаю скан).
Супрацоўнікі ўпраўлення дзяржаўнай аховы, што не паехалі за ім, забралі ўсю дзяржаўную зброю, для перадачы яе ў крымскае аддзяленне УДА.
З пазасталай часткай аховы Януковіч, у суправаджэнні А.Клюева трыма машынамі адбыў у невядомым накірунку — адключыўшы ўсе віды сувязі.
Інфармую на сённяшнюю раніцу. Заведзена крымінальная справа па масавых забойствах мірных грамадзян. Януковіч і шэраг іншых службовых асоб аб'яўлены ў вышук».
Каментары