Зяленскі расказаў, колькі ракет трэба Украіне для знішчэння расійскай балістыкі
Прэзідэнт Украіны заклікае саюзнікаў забяспечваць УСУ як мінімум 100—120 ракетамі кожны месяц для перахопу расійскай балістыкі.
Кіраўнік украінскай дзяржавы нагадаў, што Расія цяпер здольная вырабляць 140 балістычных ракет за месяц. Згодна з правіламі НАТА, каб знішчыць такую колькасць балістычных ракет, неабходна мець 280 ракет-перахопнікаў — у прапорцыі 1 да 2, паведамляе РБК-Украіна.
«У вас ніколі не будзе 280 ракет на месяц, і паміж намі кажучы, мець нават 100 ракет на месяц — гэта вялізны выклік. Менавіта гэтага я хачу. Я хачу мець 100—120 у гэтыя складаныя месяцы, асабліва халодныя», — падкрэсліў Зяленскі.
На гэтым фоне прэзідэнт Украіны заклікаў саюзнікаў Кіева аказваць больш падтрымкі.
«Яны павінны даць як мага больш. Пры ўсёй павазе да іх (саюзнікаў), яны павінны дапамагаць украінцам, каб ратаваць іх жыцці», — патлумачыў ён.
Зяленскі таксама заявіў аб падпісанні пагадненняў з некалькімі еўрапейскімі кампаніямі аб распрацоўцы ўкраінскай сістэмы супрацьракетнай абароны пад назвай Freya.
Прэзідэнт разлічвае, што першы этап выпрабаванняў пачнецца да канца снежня.
Цяпер чытаюць
У расійскай арміі беларускага наёмніка павесілі на дрэве ўніз галавой і білі палкай па геніталіях14
Каментары
Но, без разведданных, в реальном времени и отсутствии своей баллистики, очень сложно...
Но уничтожать надо !!!