Рэжысёр Кіра Муратава лічыць агідным тое, што Расія робіць з Украінай. Пра гэта яна сказала ў інтэрв'ю часопісу «Сноб».
«Я люблю Майдан. Ён натхніў мяне неяк шалёна, таму што там былі ў асноўным людзі-ідэалісты, а не тыя, якія прыйшлі потым і сталі змагацца за ўладу… Сярод гэтых змагароў розныя былі. На Майдане таксама мільгалі розныя, быў і усялякі зброд, але ў асноўнай масе гэта былі людзі, якія дайшлі да такога стану адчаю і барацьбы, што ўжо не баяліся смерці. Разумееце… Я глядзела тэлевізар з раніцы да ночы (і часам з ночы да раніцы) — паказвалі Майдан. Ён быў цудоўны», — сказала Муратава.
Таксама яна пракаментавала анэксію Крыма Расіяй.
«Наконт Крыма… Я не ведаю, ці было праўдзівым галасаванне, я шмат розных версій чула… Але там шмат рускіх людзей, якія хочуць у Расію… Ды і чорт з ім, з Крымам, вось так я сабе думаю. У рэшце рэшт, абы пакінулі Украіну ў спакоі. Вось каб пакінулі яе ў спакоі! Украіну астатнюю. Калі ўжо так наогул адбылося…» — сказала Муратава.
Яна лічыць немагчымым вяртанне Крыма Украіне.
«Я цярпець не магу барацьбу за тэрыторыю. Жывёльную барацьбу. Як кошкі змагаюцца… сабакі… дзікія жывёлы. Гэта і ў людзей ёсць. Але гэта агідна! Я не лічу, што трэба вяртаць Крым, тым больш, што гэта немагчыма. Але хай пакінуць Украіну…» — сказала рэжысёр.
«Украіна хоча быць асобна. Вось такая маленькая слабая краіна хоча быць асобна. Нядобра, калі моцны прыгнятае слабога, загадзя ведаючы, што ён мацней. Гэта не проста нядобра, а гэта подла. Так я лічу. Я спадзяюся, што яны спыняцца і не стануць больш прыставаць…» — выказала надзею Муратава.
-
Фядута пра помнік Паскевічу ў Гомелі: Чыгуннай нагой стане на мяжы з Украінай, дэманструючы, што ўжо беларускую зямлю Пецярбург не аддасць
-
«Тэкст прысягі прагучаў тады двойчы». Статкевіч падзяліўся ўспамінамі пра прысягу беларускіх вайскоўцаў у 1992 годзе на Дзень бітвы пад Оршай
-
Баркоўскі: Часам узнікае жаданне папрасіць Еўракамісію скараціць датацыі на незалежныя медыя
Каментары