Мінскае прыватнае выдавецтва «Кнігазбор» рыхтуе ўнікальнае выданне. Гэта будзе кніга беларускага грэка-каталіцкага святара, апостальскага візітатара для беларусаў-каталікоў у замежжы айца Аляксандра Надсана.
Праца над кнігай падходзіць да завяршэння, кажа дырэктар выдавецтва Генадзь Вінярскі:
— Кніга будзе грунтоўная — на 608 старонак.
Большую частку кнігі складаюць яго пераклады і духоўныя пісанні, пераклады з грэцкай і старажытнагабрэйскай моваў.
Таму тэхнічна было вельмі складана рыхтаваць кнігу да друку. Тым больш, калі дадаць, што Аляксандр Надсан пісаў сваім правапісам, таму мы яго асучасніваем. Але адметнасці стылю і мовы імкнемся захаваць.
Айцец Аляксандар Надсан, апостальскі візітатар для беларусаў-каталікоў замежжа, жыве ў Лондане, ён пераклаў немалую частку велізарнага корпуса тэкстаў літургічнай традыцыі Усходняга Хрысціянства, сам склаў службы некаторым беларускім святым і на вялікія беларускія святы.
Каментары