Цэнтральная вуліца Марыупаля (поўдзень Данецкай вобласці), праспект Леніна, перакрыты, ля захопленага гарсавета гараць шыны.
Пра гэта паведамляе сайт 0629 са спасылкай на відавочцаў.
Па дадзеных партала, у раёне ваеннай базы ў Марыупальскім аэрапорце адбылася перастрэлка. Тут людзі ў чорным і камуфляжы абстралялі некалькі аўтамабіляў. Аднаму з іх, «Волзе», прастрэлілі радыятар. Таксама пашкоджаныя некалькі мікрааўтобусаў.
У цэнтры горада зноў чуць гук сірэны. На скрыжаванні пр. Леніна і вул. Казанцава зноў гараць покрыўкі аўтамабіляў. Дым вельмі густы і бачны за некалькі кіламетраў.
Каментары