У ноч на 4 верасня Сочы, Адлер і федэральную тэрыторыю Сірыус атакавалі беспілотнікі. Расійскія ўлады пацвердзілі пажар на нафтабазе і пашкоджанні жылых дамоў. OSINT-аналітыкі мяркуюць, што яшчэ адной цэллю быў расійскі дывізіён супрацьпаветранай абароны.
Жыхары Сочы паведамлялі ноччу пра шматлікія выбухі, пасля якіх у некалькіх месцах узніклі пажары. Высокі слуп полымя над нафтабазай быў бачны за некалькі кіламетраў.
«Пашкоджана шкленне ў некалькіх жылых дамах і будынках, у асобных выпадках узніклі ўзгаранні, якія аператыўна патушылі. Таксама адбылося ўзгаранне на тэрыторыі нафтабазы», — паведаміў аператыўны штаб Краснадарскага краю.
Асобны пажар узнік каля пасёлка Сірыус на мяжы з Абхазіяй. Выданне ASTRA прааналізавала відэа відавочцаў і вызначыла, што ў гэтым месцы знаходзіцца пазіцыя расійскага зенітна-ракетнага комплексу С-300 або С-400.
Маніторынгавыя каналы паведамлялі пра другасную дэтанацыю пасля ўдару, аднак незалежнага пацвярджэння знішчэння або пашкоджання комплексу пакуль няма.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары