Мы адкладваем шчырыя размовы, важныя прызнанні і складаныя рашэнні, спадзеючыся, што яшчэ паспеем. Але часам «потым» ужо не надыходзіць.
«Новая песня «Пакідаем на потым» — асабістая, блізкая кожнаму з нас гісторыя пра тое, як мы часта адкладваем на заўтра тое, што важна: размову, пачуцці, рашэнні, — пакуль аднойчы не робіцца занадта позна.
«Пакідаем на потым» — пра шкадаванне, пра страчаныя магчымасці і пра ўсведамленне таго, што некаторыя імгненні ўжо немагчыма вярнуць», — напісаў Вольскі.
Аўтарам слоў і музыкі, а таксама выканаўцам вакальнай і гітарнай партый стаў Лявон Вольскі. Разам з ім над песняй працавалі гітарыст Павал Трыпуць, бас-гітарыст Алесь-Францішак Мышкевіч і бубнач Павал Мамонаў.
Каментары