Данецкі алігарх Ахметаў не пусціў галасаваць на «рэферэндумах» на свае заводы
Група кампаній Рыната Ахметава не прызнала «рэферэндум» сепаратыстаў і не дазволіла праводзіць галасаванне на сваіх заводах.
Аб гэтым сказала дырэктар па камунікацыях Сістэм Кэпітал Менеджмент (СКМ) Рыната Ахметава Наталля Емчанка.
Яна адзначыла, што ўсе чатыры рэферэндумы ў Данецкай і Луганскай абласцях «праходзілі па-за прававым полем Украіны».
«Мы працуем толькі ў рамках украінскага заканадаўства і ўлічваць у сваёй працы будзем толькі яго», — падкрэслілі ў СКМ.
Акрамя таго, яна пацвердзіла, што сепаратысты прыходзілі на заводы з патрабаваннем далучыцца да незаконнага галасавання.
«На нашы актывы, скажам так, звярталіся арганізатары рэферэндумаў. Мы ветліва прасілі ў іх прававую базу і паколькі яе не было — на гэтым размова звычайна перарывалася», — сказала яна.
У нядзелю на Данбасе сепаратысты арганізавалі «рэферэндумы» аб статусе Луганскай і Данецкай абласцей.
Праходзіў таксама арганізаваны Каламійскім [губернатар Днепрапятроўскай вобласці] рэферэндум аб далучэнні да Днепрапятроўскай вобласці частак Данецкай і Луганскай.
Цяпер чытаюць
Куды цяпер едуць вучыцца беларускія студэнты — топ краін і тэндэнцый14
Каментары