Сёння на адлегласці 48 км ад Данецка ў баі з тэрарыстамі загінулі 13 вайскоўцаў.
Пра гэта старшыня Вярхоўнай Рады Аляксандр Турчынаў паведаміў на сустрэчы з членамі Усеўкраінскага савета цэркваў і рэлігійных арганізацый.
Ён адзначыў, што вайскоўцы ўсё больш звужаюць кола вакол тых месцаў, дзе знаходзяцца тэрарысты.
«Яны паспрабавалі сёння прарваць гэта акружэнне і атакавалі блокпост, які знаходзяцца на адлегласці 48 км ад Данецка», — сказаў Турчынаў.
Паводле яго слоў, падчас баёў «пад мінамётным агнём, пад агнём з гранатамётаў, з цяжкай аўтаматычнай зброі загінулі вайскоўцы за Украіну».
«13 чалавек аддалі жыццё за Украіну», — дадаў Турчынаў.
Усе прысутныя хвілінай маўчання ўшанавалі памяць загінулых вайскоўцаў.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары