Германія плануе закупіць распрацаваныя ва Украіне крылатыя ракеты «Барс». Пра гэта паведамляе Financial Times са спасылкай на крыніцы, знаёмыя з планамі нямецкіх уладаў. Чакаецца, што пагадненне аб набыцці першай партыі будзе заключана ў найбліжэйшыя тыдні.
У пачатку 2027 года нямецкія вайскоўцы збіраюцца правесці тэхнічныя выпрабаванні ракет. Калі яны пройдуць паспяхова, Германія можа заказаць некалькі соцень адзінак. Паводле інфармацыі Financial Times, гэта стане першай вядомай закупкай Германіяй наступальнага ўзбраення, распрацаванага ва Украіне.
Распрацоўка «Барса» пачалася ў 2023 годзе. Фармальна выраб класіфікуецца як беспілотны лятальны апарат, аднак яго стваральнікі называюць яго крылатай ракетай. Паводле іх звестак, далёкасць палёту дасягае 1000 кіламетраў, хуткасць перавышае 700 кіламетраў за гадзіну, а маса баявой часткі складае амаль 60 кілаграмаў.
Пры распрацоўцы і вытворчасці выкарыстоўваюцца тэхналогіі штучнага інтэлекту, у тым ліку машынны зрок для навядзення на цэль.
«Барс» таксама ўжываецца для перахопу расійскіх паветраных цэляў. Прэзідэнт Украіны Уладзімір Зяленскі паведамляў, што эфектыўнасць такіх перахопаў складае каля 30%.
Як паведаміла Бі-бі-сі ўкраінская крыніца, ракету распрацоўвае прыватная кампанія, якая нядаўна стварыла сумеснае прадпрыемства ў Германіі. Яно працуе ў межах праграмы Build with Ukraine, якую фінансуе Берлін.
Першапачаткова праграма прадугледжвала вытворчасць украінскага ўзбраення за межамі краіны, каб пашырыць вытворчыя магутнасці і знізіць рызыку расійскіх удараў. У перспектыве яна таксама павінна забяспечыць украінскім вытворцам доступ да рынкаў краін НАТА.
Першая партыя ракет, вырабленых сумесным прадпрыемствам, паступіла ва Узброеныя сілы Украіны ў кастрычніку 2026 года. Раней Зяленскі заяўляў пра планы атрымаць 2000 такіх ракет.
Ракета «Барс»: што вядома пра новую ўкраінскую распрацоўку і ў чым яе галоўная перавага
Новая расійская ракета «Філін»: чым яна небяспечная і як можа замяніць шахеды
У Кіеве пачалі ставіць аўтаматычныя турэлі для збіцця расійскіх рэактыўных дронаў
Ці можа Украіна знішчаць пускавыя ўстаноўкі з расійскай балістыкай?
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары