З 1 лістапада ў Беларусі павялічыцца бюджэт пражытковага мінімуму (БПМ). Новыя памеры будуць дзейнічаць да 31 студзеня 2027 года. Пра гэта паведамілі ў Міністэрстве працы і сацыяльнай абароны.
У сярэднім на душу насельніцтва БПМ складзе 535,70 рубля. У параўнанні з папярэднім памерам ён павялічыцца на 5,33 рубля. Апошні раз бюджэт пражытковага мінімуму пераглядалі ў жніўні.
Для розных катэгорый насельніцтва новыя памеры будуць наступнымі: для працаздольных грамадзян — 574,47 рубля супраць ранейшых 574,38; для пенсіянераў — 381,27 рубля замест 380,86; для дзяцей ва ўзросце да трох гадоў — 332,62 рубля замест 326,56; для дзяцей ад трох да шасці гадоў — 444,34 рубля замест 437,78; для дзяцей ад шасці да 18 гадоў — 525,44 рубля замест 519,24.
Разам з ростам БПМ аўтаматычна павялічацца асобныя сацыяльныя выплаты, памер якіх разлічваецца на яго аснове. Гэта, у прыватнасці, дзяржаўныя дапамогі сем’ям з дзецьмі, даплаты да пенсій, дапамогі па доглядзе за чалавекам з інваліднасцю I групы або асобай ва ўзросце 80 гадоў і старэйшай, а таксама сацыяльныя пенсіі.
Напрыклад, аднаразовая дапамога пры нараджэнні першага дзіцяці, якая складае 10 БПМ, вырасце да 5357 рублёў. Пры нараджэнні другога і наступных дзяцей выплата, роўная 14 БПМ, складзе 7499,80 рубля.
Паводле звестак Міністэрства працы і сацыяльнай абароны, дапамогі, разлічаныя на аснове БПМ, атрымліваюць сем’і, у якіх выхоўваюцца 152,4 тысячы дзяцей ва ўзросце ад трох да 18 гадоў.
Пераразлік бюджэту пражытковага мінімуму з 1 лістапада стане чацвёртым у 2026 годзе. З пачатку года яго памер павялічыўся на 9,1%. Пры гэтым, як адзначылі ў міністэрстве, за дзевяць месяцаў інфляцыя склала 3,6%.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек2
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары