У Мінску 37‑гадовага супрацоўніка ціра затрымалі за спробу даць хабар супрацоўнікам патрульна-паставой службы міліцыі (ППСМ).
На спецлінію 102 звярнуўся жыхар сталіцы, які прыйшоў з сынам у ціры. Паводле яго слоў, работнік установы быў п’яны і лаяўся.
Супрацоўнікі ППСМ Маскоўскага РУУС, якія прыбылі на месца, знайшлі мінчука, што спаў у палатцы ціра. У мужчыны былі відавочныя прыкметы алкагольнага ап’янення.
Сілавікі папрасілі яго даць кантакты дырэктара фірмы, у якой ён працуе. Замест гэтага мужчына прапанаваў «вырашыць пытанне» на месцы і паспрабаваў перадаць міліцыянтам 760 рублёў, каб пазбегнуць адміністрацыйнага затрымання, медыцынскага агляду і складання пратакола.
Нягледзячы на неаднаразовыя папярэджанні, што дача хабару з’яўляецца крымінальным злачынствам, мужчына пакінуў грошы на стале перад супрацоўнікамі.
Мінчука затрымалі і даставілі ў РУУС. Супраць яго распачалі крымінальную справу за дачу хабару службовай асобе пры выкананні службовых абавязкаў.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары