Кіраўнікі так званай «Данецкай народнай рэспублікі» неаднаразова звярталіся да ўкраінскіх вайскоўцаў, каб дамовіцца пра сваю бяспеку і выратаванне.
Пра гэта заявіў прэс-афіцэр антытэрарыстычнай аперацыі Аляксей Дзмітрашкоўскі. У прыватнасці, гаворка ідзе пра памочніка дыверсанта «Стралка» Сяргея Здзірлюка, вядомага пад мянушкай «Абвер».
«Асабіста «Абвер» некалькі разоў звяртаўся і спрабаваў дамовіцца пра выратаванне і выхад з Данецка», — перадае ТСН словы Дзмітрашкоўскага. Аднак украінскія вайскоўцы адмовіліся выпусціць баевіка з акружэння.
Акрамя таго, Дзмітрашкоўскі паведаміў, што на цяперашні час няма пацверджаных звестак пра страты сярод байцоў антытэрарыстычнай аперацыі ў выніку баявых дзеянняў у Данецку. Раней паведамлялася, што ў Данецку ўкраінскія вайскоўцы кантралююць аэрапорт.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары