Рост курсу даляра ў студзені—маі ў 6 разоў перавысіў тэмпы росту за першыя пяць месяцаў 2013 года
На 6,10% (з 9.510 да 10.090 рублёў) павялічыўся афіцыйны курс даляра ЗША да беларускага рубля ў студзені—маі гэтага года. За пяць месяцаў 2013 года рост каціроўкі быў у 6,04 разы ніжэй — на 1,01% (з 8.570 да 8.680 рублёў).
На тэрыторыі былога СССР Беларусь заняла чацвёртае месца па тэмпах росту курсу даляра ў студзені—маі 2014 года, сведчыць праведзены БелаПАН аналіз курсаў.
Наперадзе Украіна — 47,32% (з 7,993 да 11,774997 грыўны), Казахстан — 19,46% (са 153,61 да 183,50 тэнге) і Расія — 6,13% (з 32,7292 да 34,7352 рубля).
Ззаду Малдова — 5,91%, Кыргызстан — 5,75%, Узбекістан — 4,28%, Таджыкістан — 2,85%, Грузія — 2,05%, Арменія — 1,88%, Літва — 1,19%. Эстонія і Латвія перайшлі на еўра.
Афіцыйны курс амерыканскай валюты не змяніўся ў Туркменістане, нязначна знізіўся ў Азербайджане — на 0,01%.
Цяпер чытаюць
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года5
Каментары