У Міжнародным вучэбным цэнтры падрыхтоўкі, павышэння кваліфікацыі і перападрыхтоўкі кадраў у сферы міграцыі і супрацьдзеяння гандлю людзьмі Акадэміі МУС Беларусі 9—13 чэрвеня пройдзе курс павышэння кваліфікацыі «Перадавы вопыт і перспектывы супрацьдзеяння гандлю людзьмі» для супрацоўнікаў паліцыі Абу-Дабі (ААЭ).
Як паведамілі ў МУС Беларусі, праваахоўнікі ААЭ будуць разглядаць актуальныя пытанні прафілактыкі і супрацьдзеяння гандлю людзьмі як аднаму з самых грубых парушэнняў правоў чалавека. У праграму курса ўключана вывучэнне міжнароднага і нацыянальнага заканадаўства ў гэтай сферы, лепшая сусветная і айчынная практыка выяўлення і расследавання злачынстваў, звязаных з гандлем людзьмі, пытанні арганізацыі бяспекі ахвяраў гэтых супрацьпраўных дзеянняў.
Беларусь, апрача выкладчыкаў міліцэйскай ВНУ, прадставяць супрацоўнікі Вярхоўнага суда, Міністэрства ўнутраных спраў, Следчага камітэта, Генеральнай пракуратуры.
Мэта трэнінгу — павышэнне прафесійнага ўзроўню супрацоўнікаў паліцыі ААЭ, якія ажыццяўляюць выяўленне, раскрыццё і расследаванне злачынстваў, звязаных з гандлем людзьмі, а таксама выпрацоўка адзіных падыходаў у рэалізацыі абароны правоў ахвяраў гандлю людзьмі.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары