Пра гэта ён заявіў 12 лістапада на прэс‑канферэнцыі ў Мінску. Нямецкі спецыяліст упэўнены, што за чатыры месяцы работы ў Беларусі ў зборнай сабраны лепшыя гульцы.
Паводле слоў Б.Штанге, зараз усталяваўся аптымальны баланс паміж узроставымі і маладымі гульцамі. «Вопытных гульцоў стала больш, таму ў наступных матчах чакаю лепшай гульні. Раней мы былі кепска падрыхтаваныя да гульняў, цяпер — лепш», — заявіў ён.
Б.Штанге паведаміў, што зараз уся яго ўвага будзе звернута на 20—25 асноўных гульцоў зборнай. З імі ён плануе правесці некалькі таварыскіх гульняў у наступным годзе.
«Мы сфармавалі каманду. Зараз хочам палепшыць гульню. Мы ведаем, што можам гуляць лепш», — лічыць галоўны трэнер.
Паводле яго слоў, цяпер змены могуць быць мінімальнымі. У прыватнасці, магчымы выклік у нацыянальную зборную некалькіх гульцоў з маладзёжнай.
Галоўны трэнер таксама паведаміў, што асобная ўвага будзе надавацца 30—40 гульцам беларускага чэмпіянату, якія прыцягваюцца да гульняў за юніёрскую і маладзёжную зборныя краіны, паведамляе БелаПАН.
***
Нагадаем, што 17 і 21 лістапада беларуская зборная правядзе заключныя матчы ў сваёй адборачнай групе: у наступную суботу ў гасьцях са зборнай Албаніі, а 21-га – у Менску са зборнай Галяндыі.
Пасьля 10 гульняў айчынная зборная займае перадапошняе 6-е месца, маючы на сваім рахунку 7 пунктаў. У албанцаў -- 11 пунктаў, у Люксэмбурга, якому беларусы гучна прайгралі 13 кастрычніка, 3 пункты. Ужо 25 лістапада ў паўднёваафрыканскім Дурбане пройдзе лёсаваньне адборачных групаў да чэмпіянату сьвету - 2010.
Так што інтрыгі ў лістападзе дзьве: якое выніковае месца зоймуць нашы футбалісты і хто трапіцца ў наступным адборачным цыкле.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую10
Каментары