Ізраіль нанёс авіяўдар па дзевяці цэлях па пазіцыях cірыйскай арміі на Галанскіх вышынях, у адказ на падрыў ізраільскага грузавіка.
Прэс-сакратар узброеных сіл Ізраіля паведаміў, што ўдары былі нанесеныя па штабах сірыйскай арміі і агнявых пазіцыях. Ён таксама пацвердзіў, што гэта стала адказам на падрыў ізраільскага грузавіка, які «займаўся будаўнічымі работамі на мяжы». Пры падрыве загінуў адзін цывільны чалавек, два вайскоўцы атрымалі раненні.
Прадстаўнік узброеных сілаў заявіў, што прычынай выбуху аўтамабіля стала «выбуховая прылада, ракета або снарад».
Авіяўдар быў нанесены ў нядзелю, і гэта стала самым сур'ёзным ударам з часоў канфлікту 1973 года.
Каментары