Сілы АТА ў Луганску адрэзалі баевікоў ад крыніц забеспячэння. У Данецку — баі ФОТА
Сілы АТА ў Луганску адрэзалі баевікоў ад крыніц забеспячэння, паведамляе прэс-цэнтр АТА на сваёй старонцы ў Facebook.
«Разумеючы гэта, яны аказваюць люты супраціў. Аэрадром Луганска забяспечаны боепрыпасамі, матэрыяльна-тэхнічнымі сродкамі, што ў корані мяняе сітуацыю. Сілы баевікоў былі адціснуты ад аэрадрома.
Таксама сілы АТА часткова заблакавалі горад Лісічанск. Разумеючы гэта, баевікі на працягу ночы зрабілі некалькі спробаў выхаду. У выніку баявых сутыкненняў была знішчана тэхніка і жывая сіла праціўніка.
Каля 30 чалавек ўзятыя ў палон.
З поўначы узяты пад кантроль перыметр паблізу населенага пункта Рубежнае», — паведамілі ў прэс-цэнтры, адзначыўшы, што зараз падраздзялення Нацыянальнай гвардыі і Узброеных Сіл Украіны праводзяць мерапрыемствы па ачыстцы тэрыторыі.
У прэс-цэнтры таксама адзначаюць, што сціскаецца кола вакол Горлаўкі і Данецка.
Занятая значная тэрыторыя паміж Арцёмаўскам, Горлаўкай, Канстанцінаўкай.
«У Данецку ў квадраце Чырвонаармейскай шашы — вул. Маршала Жукава — вул. Стратанаўтаў — вул. Арцёмаўская вядуцца баявыя дзеянні», — паведамляе сайт гарсавета Данецка раніцай 21 ліпеня.
«Просім жыхароў, якія пражываюць у дадзеным квадраце, не выходзіць на вуліцу і не пакідаць межаў сваіх дамоў і кватэр», — пішуць прадстаўнікі гарсавета.
«Пашыраецца зона кантролю вакол аэрадрома Данецк, што таксама (…) істотна падрывае пазіцыі баявікоў. У цэлым, у трох кірунках сілы АТА валодаюць сітуацыяй і нарошчваюць перавагу», — паведамілі ў прэс-цэнтры АТА.
У той жа час, баевікі працягваюць абстрэльваць пазіцыі ўкраінскіх вайскоўцаў. «Найбольш складаная абстаноўка захоўваецца ў раёнах населеных пунктаў Данецк, Луганск, Краснодон, Папасная і ў памежнай зоне», — паведамілі ў прэс-цэнтры.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы36
Каментары