Двое дзяцей выпалі праз маскітныя сеткі на вокнах у Гомельскай вобласці
У мінулыя выходныя двое дзяцей выпалі з вокнаў шматкватэрных дамоў у Гомелі і пасёлку Чонкі Гомельскага раёна, паведамілі ў пракуратуры Гомельскай вобласці.
У Гомелі двухгадовы малы застаўся з бабуляй і дзядулем, калі мама пайшла ў краму. Бабуля пакарміла дзіця і пайшла вынесці посуд.
У гэты момант малы змог забрацца на падваконне і абаперціся на маскітную сетку адкрытага акна на 3-м паверсе.
Хлопчык выпаў з аконнага праёму. Са шматлікімі траўмамі дзіця шпіталізаванае ў рэанімацыю абласной бальніцы.
У пасёлку Чонкі з вышыні другога паверха звалілася шасцігадовая дзяўчынка.
Цяжару яе цела таксама не вытрымала маскітная сетка, на якую яна абаперлася. З траўмамі дзяўчынка дастаўлена ў бальніцу.
У пракуратуры адзначылі, што гэта далёка не першы падобны выпадак траўміравання дзяцей. І ў гарачае надвор'е іх колькасць узрастае. Маскітныя сеткі, якія ўсталёўваюцца на вокнах, ствараюць толькі ілюзію бяспекі. Таму вельмі важна выключыць доступ маленькіх дзяцей да адкрытых насцеж вокнаў.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары