Баевікі «Ірака і Леванта» збіраюцца зрабіць абразанне ўсім жанчынам на падкантрольнай тэрыторыі
Баевікі на поўначы Ірака выпусцілі рэлігійны дэкрэт, згодна з якім усе дзяўчынкі і жанчыны ў падкантрольным ім Масуле і яго ваколіцах падлягаюць прымусоваму жаночаму абразанню, паведамілі ў ААН.
Каардынатар міжнароднай арганізацыі ў Іраку Жаклін Бэдкак выказала сур'ёзную трывогу з нагоды гэтай інфармацыі. Паводле яе слоў, фетва (пастанова, дэкрэт), выпушчаная на гэтым тыдні баевікамі «Ісламскай дзяржавы Ірака і Леванта», можа закрануць 4 млн жанчын і дзяўчынак у Іраку, дзе жаночае абразанне не з'яўляецца звычайнай практыкай.
Загад баевікоў ужо выклікаў гнеў у сацыяльных сетках ва ўсім арабским свеце.
***
Даведка: Жаночае абразанне — аперацыя, якая заключаецца ў выдаленні або траўміраванні частак жаночых геніталій, аж да поўнага выдалення клітара і малых палавых губ. Распаўсюджаная ў Афрыцы і шэрагу мусульманскіх краін. У 2012 годзе забароненая рэзалюцыяй ААН.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары