Вядомы беларускі музыка, лідэр гурту «Крама» Ігар Варашкевіч гэтымі днямі завёў сабе блог на базе сэрвэру livejournal.
Вядомы беларускі музыка, лідэр гурту «Крама» Ігар Варашкевіч гэтымі днямі завёў сабе блог на базе сэрвэру livejournal.
Цягам учорашняга дня Ігар Варашкевіч зрабіў у ЖЖ чатыры допісы. Першы зь іх, які прысьвячаўся сустрэчы рок‑музыкаў з ідэолягам Алегам Праляскоўскім, прыцягнуў найбольшую цікавасьць і увагу чытачоў. Варашкевіч піша : «А калі б мы прынесьлі з сабою каністру бэнзіну і падпалілі сябе у кабінэце Праляскоўскага — гэта б было добра?
Гэта б быў акт самаахвяраваньня?.. Напэўна, трэба было так і зрабіць. Каб нас не палівалі брудам людзі якія «б’юцца» за свабоду, седзячы у сваіх офісах і атрымліваючы за гэта грошы. Людзі, якія не могуць вывесьці на вуліцу 100 000 чалавек злуюцца і хочуць з нас зараз зрабіць крайніх. Брыдка гэта ўсе».
Таксама ў гэтым жа допісе зьмешчана карыкатура на добрапазнавальных музычных пэрсанажаў, якія гойдаюцца на шыбеніцы. На карціне подпіс: «Сьмерць прадацелям!!! Жівет Беларусь». Пост сабраў больш за 100 камэнтараў.
Варашкевіч абяцае: «Буду вучыцца друкаваць на кампутары. І дасылаць вам свае новыя малюнкі».
Ігар Варашкевіч не адзіны музыка, які вядзе блог. Жывыя журналы ўжо вядуць Лявон Вольскі (lvolski), Зьміцер Вайцюшкевіч (todar_vojt), Руся (_ghost_pulse_), Вячаслаў Корань (strider_first), Аляксандар Памідораў (tomat) і некаторыя іншыя музыкі.
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары