Падазраваны ў крадзяжы медыцынскай карты Шумахера павесіўся пасля арышту
Мужчына, адзін з падазраваных у крадзяжы медыцынскай карты чэмпіёна свету «Формулы-1» Міхаэля Шумахера, павесіўся пасля арышту. Пра гэта паведамляе агенцтва France-Presse.
Удакладняецца, што падазраваны працаваў менеджарам у кампаніі па вытворчасці верталётаў Rega. Ён быў арыштаваны напярэдадні ў рамках расследавання крымінальнай справы аб парушэнні медычнай таямніцы. Паводле версіі следства, затрыманы выкраў медкарту Шумахера са шпіталя ў Грэноблі і спрабаваў прадаваць інфармацыю.
На след злачынцаў ўдалося выйсці, адсачыўшы IP-адрас кампутара, з якога злодзеі атрымалі доступ да закрытай базы дадзеных французскай клінікі.
Аб выкраданні гісторыі хваробы гоншчыка з клінікі ў французскім Грэноблі, дзе праходзіў лячэнне Шумахер, стала вядома ў канцы чэрвеня. Як пісала інтэрнэт-выданне Bild, шэраг СМІ ў Германіі, Вялікабрытаніі і Францыі атрымалі тады прапанову купіць медыцынскія дадзеныя прыкладна за €50 тыс.
Пазней з'явілася інфармацыя пра тое, што выкрадзеныя толькі першыя дзве старонкі з гісторыі хваробы Шумахера. Аднак менавіта на гэтых старонках была ўся інфармацыя аб аперацыях, праведзеных гоншчыку пасля таго, як яго ў крытычным стане даставілі ў Грэнобль з французскага гарналыжнага курорта Мерыбель.
Пакуль вядомы гоншчык папраўляе здароўе ў швейцарскай клініцы ў Лазане,
яго жонка Карына прадае самалёт і аўтамабіль, каб на атрыманыя сродкі арганізаваць для мужа эфектыўную рэабілітацыю.
Балід «Ферары» F-2000, на якім немец ў 2000 годзе заваяваў першы чэмпіёнскі тытул, выстаўлены на аўкцыён у Каліфорніі. Стартавы кошт аўтамабіля — 1,5 млн еўра. Раней стала вядома, што Карына вырашыла прадаць самалёт гоншчыка Falcon 2000EX за 20 млн еўра.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары