У Міністэрстве абароны Беларусі паведамілі пра тое, што знайшлі беспілотны лятальны апарат (БЛА), які згубіўся ў Бярозаўскім раёне і пацвердзілі наяўнасць «усіх беспілотных лятальных апаратаў, якія знаходзяцца ва Узброеных сілах.
Беспілотны лятальны апарат 927-га цэнтра падрыхтоўкі і прымянення беспілотных авіяцыйных комплексаў ВПС і войскаў СПА Беларусі ў Бярозе быў згублены пры правядзенні палётаў ўвечары 10 ліпеня.
Аб'яву аб гэтым з фатаграфіяй апарата і абяцаннем ўзнагароды таму, хтоя знойдзе, надрукавалі ў раённай газеце «Маяк» 16 ліпеня.
Мяркуючы па фатаграфіі, ваенныя згубілі БЛА «Іркут-3». Яго ўзлётная вага — 3 кг, даўжыня — 0,9 м, размах крылаў — 2 м.
Не выключалася, што пасля таго як кіраванне апаратам было страчана, ён упаў, і тады яго мог прысвоіць хто-небудзь з мясцовых жыхароў.
Аднак, згублены «беспілотнік знайшлі і прынеслі», як сказаў у мінабароны суразмоўца агенцтва БелаПАН.
Летам 2010 года 927-я знішчальная авіяцыйная база была рэфармавана ў 927-ы цэнтр падрыхтоўкі і прымянення беспілотных авіяцыйных комплексаў. У 2011 годзе на ўзбраенне цэнтра паступілі БЛА расійскай вытворчасці «Іркут-3» і «Іркут-10».
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары