Аўтамабільны мост каля Вілейкі, які ўжо каля года знаходзіцца на рэканструкцыі, плануюць цалкам дабудаваць летам 2026 года, паведамляе Мінтранс.
Рамонтныя работы на аб’екце, размешчаным на дарозе Мінск — Маладзечна — Нарач, выкананыя прыкладна на 80%. Мост быў пастаўлены на рэканструкцыю яшчэ ў сакавіку 2025 года, а адкрыць рух па ім плануюць у верасні гэтага года.
На сёння будаўнікі ўжо ўсталявалі асноўную канструкцыю пралётаў і цяпер займаюцца мантажом маставога пакрыцця. Наперадзе — работы гідраізаляцыі, стварэння выраўноўвальнага слоя і ўсталяванні агароджаў.
Пасля рэканструкцыі праезная частка моста будзе мець шырыню каля васьмі метраў. Таксама з абодвух бакоў зробяць пешаходныя сцежкі, а з аднаго боку з’явіцца і веладарожка.
Сам мост праз раку Вілію быў пабудаваны яшчэ ў 1959 годзе і некалькі гадоў таму быў прызнаны аварыйным, таму яго ўключылі ў спіс аб’ектаў, якія патрабуюць тэрміновага рамонту.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары
Мост не быў закрыты і не закрыты цяпер.
Адбываецца не рэканструкцыя а будаўніцтва новага маста побач са старым.
Пасля адкрыцця новага маста стары будзе разабраны.