Расійскія грузавікі з гуманітарнай дапамогай жыхарам Данбаса не павінны перасячы ўкраінскую мяжу — пра гэта Бі-Бі-Сі Украіна заявіла крыніца ва ўкраінскім урадзе.
Па словах суразмоўцы, прадстаўнікі Украіны і Чырвонага Крыжа павінны атрымаць груз і адвезці яго далей.
Зараз украінскі бок шукае неабходную для гэтага колькасць грузавікоў і кіроўцаў.
Раней прадстаўнікі расійскай улады паведамілі, што з Масквы ва ўсходнюю Украіну адправіліся калона з 300 грузавікоў «гуманітарнай дапамогі».
Былы прэзідэнт Украіны Леанід Кучма, якога цытуе «Інтэрфакс-Украіна», заявіў, што калона перасячэ расійска-ўкраінскую мяжу ў Харкаўскай вобласці.
У сваю чаргу спікер інфармцэнтра РНБА Андрэй Лысенка заявіў сёння на брыфінгу ў Кіеве, што несертыфікаваная Чырвоным Крыжам калона гуманітарнай дапамогі на тэрыторыю Украіны не трапіць.
Па словах спадара Лысенкі, на працягу тыдня эксперты Чырвонага Крыжа павінны вызначыць патрэбы грамадзян усходніх абласцей Украіны ў дапамозе, і толькі пасля гэтай ацэнкі будзе арганізавана аказанне дапамогі.
«Пакуль не будзе прынята рашэнне адносна колькасці, месца прызначэння, і маршруту дастаўкі гуманітарнага грузу, ва Украіне ён не з'явіцца», — сказаў Лысенка.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары