Оскар Пісторыус прызнаны вінаватым у прычыненні смерці па неасцярожнасці
Паўднёваафрыканскі лёгкаатлет-паралімпіец Оскар Пісторыус, які абвінавачваецца ў забойстве сваёй сяброўкі Рэвы Стэнкамп, прызнаны вінаватым у прычыненні смерці па неасцярожнасці.
Такое рашэнне вынесла суддзя Вярхоўнага суда паўднёваафрыканскай Прэторыі Таказіле Масіпа падчас абвяшчэння прысуду спартсмену.
Таксама даказаная віна былога спартсмена па справе аб выкарыстанні зброі ў публічным месцы.
Былы спартсмен быў прызнаны невінаватым ў незаконным захоўванні зброі, а таксама з яго знятыя абвінавачванні па справе аб стральбе ў аўтамабілі.
Слуханні па справе пачаліся ў чацвер. У ходзе пасяджэння суддзя звярнула ўвагу на тое, што спартсмен не можа быць прызнаны вінаватым у забойстве сваёй сяброўкі, бо абвінавачанне не здолела пераканаўча даказаць, што падазраваны наўмысна пайшоў на злачынства.
У ноч на 14 лютага 2013 г. Пісторыус ва ўласным доме застрэліў Стэнкамп праз зачыненыя дзверы ў пакой ваннай. Спартсмен сцвярджае, што здзейсніў забойства выпадкова, прыняўшы сяброўку за рабаўніка. Паўднёваафрыканская прэса паведамляла, што Стэнкамп збіралася зрабіць Пісторыусу сюрпрыз з нагоды свята.
-
«Каб увесь свет гаварыў па-руску, вывучайце аўтамат Калашнікава». У Расіі ўдзельнік вайны даў наказ школьнікамі 1 верасня
-
Праз 30 гадоў суд назваў вінаватага ў забойстве Тупака Шакура — аднаго з самых уплывовых рэпераў у гісторыі
-
Латвія з 1 верасня забараніла адусюль увоз беларускіх кніг, адзення і цацак
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага19
Каментары