Трамп пра пагадненне паміж Пуціным і Зяленскім: Ім не абавязкова быць у адным пакоі
Ён таксама распавёў пра тое, як адзін «дурны расійскі генерал» у пачатку поўнамаштабнага ўварвання проста заблукаў па дарозе да Кіева і затрымаўся ў гразі.
Прэзідэнт ЗША Дональд Трамп заявіў, што расійскаму лідару Уладзіміру Пуціну і ўкраінскаму прэзідэнту Уладзіміру Зяленскаму неабавязкова знаходзіцца ў адным пакоі, каб дасягнуць пагаднення. Пра гэта ён учора заявіў на прэс-канферэнцыі, піша «Украінская праўда».
Ён дадаў, што і Украіна, і Расія губляюць шмат людзей, аднак Расія — велізарная краіна, а Украіна — не.
Паводле яго слоў, Зяленскі павінен імкнуцца спыніць гэтую вайну, і калі ён гэтага не зробіць, то, як мяркуе Трамп, гэта будзе мець вельмі дрэнныя наступствы.
«Украіна сама павінна імкнуцца заключыць пагадненне, бо Злучаныя Штаты выдаткавалі на гэта велізарную колькасць грошай, Еўропа таксама выдаткавала шмат, і Еўропа ўжо стамілася ад гэтага. Калі яны не заключаць пагадненне, то ў рэшце рэшт сітуацыя, на маю думку, проста стане яшчэ горшай».
Пазней Трамп зноў падзяліўся сваім бачаннем ходу вайны ва Украіне, у прыватнасці, распавёў пра тое, як адзін «дурны расійскі генерал» у пачатку поўнамаштабнага ўварвання проста заблукаў па дарозе да Кіева і затрымаўся ў гразі.
Ён таксама дадаў, што нянавісць паміж Пуціным і Зяленскім «проста велізарная», і гэта галоўная прычына, чаму ім дагэтуль не ўдалося прыйсці да згоды.
На яго думку, Пуціну і Зяленскаму неабавязкова знаходзіцца ў адным пакоі, каб падпісаць пагадненне.
«Думаю, яны могуць зрабіць гэта інакш. Ім цяжка апынуцца ў адным пакоі. Мне ўсё роўна, як гэта будзе зроблена», — сказаў Трамп.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары