Янук Дарашкевіч падрыхтаваў зборнік вершаў яшчэ ў 1914-м.
Паэтычны зборнік «Маркотныя зоркі» выйшаў сёлета ў выдавецтве «Кнігазбор». З лёгкай рукі краязнаўца Сяргея Чыгрына.
Янук Дарашкевіч (1890-1943) пачаў пісаць у «Нашу Ніву» ў 1909. Тады на старонках газеты з’явіўся яго першы верш, затым былі і новыя. А як надрукавалі — заахвоцілі — пачаў пісаць больш. І калі ў 1914 годзе Дарашкевіча мабілізавалі ў царскае войска, ён перапісаў усе свае вершы ў сшытак і даслаў у рэдакцыю «НН». Назваўшы «Абразкамі». Спадзяваўся, што выдадуць кніжачкай. Не выйшла.
А пасля часы змяніліся. Першая сусветная, рэвалюцыі. Янук Дарашкевіч апынуўся ў Расіі, але вершаў пісаць не кідаў. Падчас Другой сусветнай вайны ён загінуў на фронце. А яго літаратурная спадчына згарэла ў хаце ў Варонежы. І застаўся толькі той сшытак «Абразкі» і асобныя вершы ў лістах.
Канечне, вершы Дарашкевіча — не хрэстаматыйныя. Але для даследчыкаў Беларусі пачатку ХХ стагоддзя — гэта важная цаглінка. Каб асэнсаваць той час, варта мець апублікаванай спадчыну такіх дзеячаў. І наклад у выдання сціплы — 50 асобнікаў. Сапраўды, для самых зацікаўленых.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары