Беларусь працягнула да 31 снежня 2027 года забарону на ўвоз праз літоўска-беларускую мяжу аўтатранспартам шэрагу тавараў, якія ўвозяцца для рэалізацыі або спажывання на тэрыторыі краіны. Зроблена гэта пастановай Саўміна ад 30 сакавіка 2026 года № 145, апублікаванай сёння на Нацыянальным прававым партале.
Здымак ілюстрацыйны. Фота: «Наша Ніва»
Такая забарона ўпершыню была ўведзена з 1 красавіка 2024 года тэрмінам на паўгода. Потым яна тройчы працягвалася на аналагічны перыяд. Цяпер жа, атрымліваецца, яе пралангавалі адразу на год і дзевяць месяцаў.
Забарона тычыцца на гэты момант такіх тавараў, як:
- воды мінеральныя і газаваныя;
- воды іншыя;
- воды, уключаючы мінеральныя і газаваныя, якія ўтрымліваюць дабаўкі цукру ці іншых падсалоджвальных або смака-араматычных рэчываў;
- безалкагольнае піва;
- піва соладавае;
- віны вінаградныя натуральныя, уключаючы мацаваныя; сусла вінаграднае;
- вермуты і вінаградныя натуральныя віны іншыя з дадаваннем раслінных або араматычных рэчываў у сасудах ёмістасцю 2 л або менш;
- напоі іншыя зброджаныя (напрыклад, сідр, сідр грушавы, напой мядовы, сакэ); сумесі са зброджаных напояў і сумесі зброджаных напояў і безалкагольных напояў, у іншым месцы не названыя;
- спірт этылавы і іншыя спіртавыя настойкі, дэнатураваныя, любой канцэнтрацыі;
- воцат і яго заменнікі;
- шыны і пакрышкі пнеўматычныя гумовыя;
- ужываныя часткі і прыналежнасці транспартных сродкаў.
Забарона не распаўсюджваецца, сярод іншых выключэнняў, на тавары, якія ўвозяцца фізічнымі асобамі для асабістага карыстання.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары