Урачыстае адкрыццё помніка адбудзецца 22 кастрычніка. Ён размесціцца на галоўнай плошчы невялікага студэнцкага гарадка Слубіцы, які знаходзіцца побач з нямецкай мяжой.
Ініцыятарам ўзвядзення манумента стаў Кшыштаф Вайцяхоўскі, дырэктар «Collegium Polonicum», сумеснай адукацыйнай пляцоўкі Універсітэта імя Адама Міцкевіча ў Познані і Еўрапейскага універсітэта Віадрына ў Франкфурце-на-Одэры. Аўтарам стаў 30-гадовы армянскі скульптар Мігран Акабян, студэнт «Collegium Polonicum».
Кошт помніка – каля 43 тысяч польскіх злотых (прыкладна 13,5 тысяч долараў). Грошы на манумент пайшлі з муніцыпальнага бюджэту Слубіцаў.
Плануецца, што ў цырымоніі адкрыцця прымуць удзел як прадстаўнікі польскага і нямецкага аддзяленняў Wikimedia, так і галаўнога офіса Wikimedia Foundation у Сан-Францыска.
Каментары