Васіля Пелеша — 19-гадовага ўкраінскага патрыёта, байца «Айдара», якому тэрарысты ў палоне адсеклі правую руку з вытатуяваным на ёй трызубцам, выпісалі дадому пасля лячэння ў Львоўскім ваенным шпіталі.
Пра гэта карэспандэнту Укрінфарм распавёў начальнік шпіталя — палкоўнік Іван Гайда.
«Васіль адразу пасля вяртання на Львоўшчыну ў канцы верасня паступіў на лячэнне ў шпіталь. Перад гэтым пасля палону ён перанёс першую аперацыю ў Луганску, дзе яму ампутавалі верхнюю канечнасць на ўзроўні верхняй траціны пляча, каб не дапусціць гангрэны пасля катаванняў. У Львове байца агледзеў аўстрыйскі хірург Аляксандар Клаўс разам украінскімі калегамі. Дактары вызначылі метады далейшага лячэння Васіля, якія былі паспяхова рэалізаваныя», — адзначыў Гайда.
Каментары