Прэм’ер-міністр Вялікабрытаніі Кір Стармер заявіў, што яму ўжо надакучыла глядзець, як дзеянні Дональда Трампа і Уладзіміра Пуціна ўплываюць на цэны энергіі ў краіне, піша The Guardian. Паводле яго слоў, з-за падзей у свеце брытанскія сем’і і бізнэс пастаянна сутыкаюцца з нестабільнымі рахункамі за энергарэсурсы.
«Мне надакучыла, што сем’і па ўсёй краіне бачаць, як іх рахункі за электраэнергію то растуць, то змяншаюцца, а рахункі прадпрыемстваў за электраэнергію таксама растуць і змяншаюцца праз дзеянні Пуціна ці Трампа ва ўсім свеце», — падкрэсліў Кір Стармер.
У інтэрв’ю брытанскі прэм'ер таксама крытычна выказаўся наконт сітуацыі на Блізкім Усходзе. Стармер асудзіў працяг удараў Ізраіля па Ліване, падкрэсліўшы, што такія дзеянні трэба спыніць, незалежна ад таго, ці лічацца яны фармальным парушэннем дамоўленасцяў аб спыненні агню.
Ён таксама заявіў пра неабходнасць канкрэтнага плана для аднаўлення суднаходства праз Армузскі праліў пасля дасягнення перамір’я. Стармер адзначыў, што цяпер важна хутка перайсці да практычных крокаў, каб аднавіць нармальны рух караблёў.
Брытанскі прэм'ер таксама прызнаў, што Вялікабрытанія не валодае поўнай інфармацыяй пра ўмовы перамір’я, але выразна заявіў, што атакі на Ліван з’яўляюцца няправільнымі.
Таксама Стармер падкрэсліў, што хоча бачыць краіну менш залежнай ад знешніх крызісаў. Ён раскрытыкаваў падыход папярэдніх урадаў, якія, на яго думку, толькі часова «латалі» праблемы, і паабяцаў, што ягоныя ўрад будзе дзейнічаць больш рашуча. Прэм'ер таксама адзначыў, што вайна з Іранам павінна стаць паваротным момантам, які вызначыць будучыню на доўгі час.
Адносіны Стармера з ЗША пагоршыліся пасля пачатку канфлікту з Іранам. Дональд Трамп неаднаразова крытыкаваў і высмейваў еўрапейскіх лідараў, у тым ліку самога Стармера, паказваючы відэа, дзе той нібыта баіцца амерыканскага прэзідэнта.
Пад крытыку Трампа трапілі і іншыя лідары. Напрыклад, ён абразліва выказваўся пра прэзідэнта Францыі Эмануэля Макрона, а таксама пагражаў Іспаніі эканамічнымі мерамі і нават намякаў на магчымасць выкарыстання яе вайсковых баз без дазволу.
«Больш хаосу, чым стратэгіі». Што пішуць у амерыканскіх СМІ пра спыненне агню з Іранам
Трамп заявіў, што не хоча перамір'я з Іранам, і зноў абрынуўся на саюзнікаў па НАТА
Трамп: Я да іх звяртаюся не таму, што яны нам патрэбныя, а хачу паглядзець на рэакцыю
«Узровень энтузіязму для мяне мае значэнне». Трамп згадаў пра краіны, якія не хочуць дапамагаць яму ў Армузскім праліве
«Нам не патрэбны людзі, якія ўступаюць у вайну, калі мы ўжо перамаглі». Трамп рэзка адказаў Стармеру
Трамп заклікаў Брытанію не аддаваць базу Дыега-Гарсія. Ён кажа, што яна можа спатрэбіцца для ўдараў па Іране
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары