Вядомы ўкраінскі вядучы Ўладзімер Зяленскі трапіў у кіеўскую лякарню з шматлікімі гематомамі, паведамляе «Прэса Ўкраіны».
У прыватную клініку «Барыс» шоўмэна даставіў жыхар Кіева, які пажадаў застацца невядомым. Па словах мужчыны, ён ехаў на машыне па Дняпроўскай набярэжнай, як раптам заўважыў, што двое невядомых у масках зьбіваюць ляжачага мужчыну.
«Я спыніўся і, выйшаўшы з машыны, крыкнуў ім, што буду выклікаць нарад міліцыі, пасьля чаго невядомыя ўцяклі. Я падбег да пацярпелага і адвёў яго да сваёй машыны, пасьля чаго даставіў у бліжэйшую бальніцу», — распавёў жыхар Кіева.
Як мяркуе сам Зяленскі, гэта былі прарасейскі настроеныя зламысьнікі, таму як падчас зьбіцьця яны папракалі яго за актыўную падтрымку ўкраінскай арміі.
«Перш за ўсё, я вельмі ўдзячны чалавеку, які мяне ўратаваў, калі б ня ён, ня ведаю, чым бы гэта ўсё скончылася», — дадаў шоўмэн.
Па словах галоўнага лекара клінікі Вольгі Перэльман, жыцьцёва важныя органы пацярпелага не закранутыя, стан здавальняючы і праз пару дзён Зяленскі ўжо зможа адправіцца дадому. У сваю чаргу, праваахоўнікі распачалі крымінальную справу і шукаюць вінаватых.
Вядомы шоўмэн, тэлевядучы і актор Уладзімер Зяленскі ўжо не раз апынаўся ў цэнтры скандалаў у сувязі з падзеямі ва Ўкраіне. Ён актыўна падтрымліваў Майдан і спансаваў батальён «Данбас».
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары