У Баранавічах школьніка на 8 гадоў адправілі ў калонію за спайсы
За незаконны абарот асабліва небяспечных псіхатропных рэчываў асуджаны старшакласнік адной са школ горада Баранавічы.
Як паведаміла старшы пракурор аддзела пракуратуры Брэсцкай вобласці Ларыса Караневіч,
16-гадовы дзесяцікласнік набыў праз інтэрнэт курыльную сумесь і 6 мая з мэтай збыту прынёс яе ў школу, дзе вучыўся.
Там жа супрацоўнікам міліцыі ў яго было канфіскавана тры палімерныя пакецікі са спайсам агульнай вагой 18,19 грама, што складала больш за 100 разавых доз.
У дачыненні да школьніка распачалі крымінальную справу. 10 чэрвеня яго ўзялі пад варту.
16 верасня суд Баранавіцкага раёна і горада Баранавічы прызнаў старшакласніка вінаватым у незаконным з мэтай збыту набыцці і захоўванні асабліва небяспечнага псіхатропнага рэчыва на тэрыторыі ўстановы адукацыі (ч. 3 арт. 328 КК) і прыгаварыў да васьмі гадоў пазбаўлення волі з адбываннем пакарання ў выхаваўчай калоніі.
Судовая калегія па крымінальных справах Брэсцкага абласнога суда 21 лістапада пакінула без змены прыгавор, і ён набыў законную моц.
Як зазначыла Караневіч, раней школьнік трапляў у поле зроку супрацоўнікаў праваахоўных органаў. У лістападзе 2013 года ў яго было знойдзена пяць пустых палімерных пакецікаў з-пад спайсаў.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары